काठमाडौं । पीएनजीविरुद्ध नेपालले १७२ रनको लक्ष्य पाएको छ । टस हारेर पहिले ब्याटिङ गरेको पीएनजीले निर्धारित २० ओभरमा ८ विकेट गुमाउँदै १७१ रन बनाएको हो ।
पीएनजीका लागि उराले ६१ रन, नाओले ३० रन, हिला भरेले १८ रन, हिरीले १५, डोरिगाले १४ र सोपरले १३ रनको योगदान दिएका थिए भने अन्य खेलाडीले दोहोरो अंकको रन बनाउन सकेनन् ।
नेपालका लागि कुशल भुर्तेल र आकाश चन्दले पीएनजीको ३–३ विकेट झारेका थिए । त्यस्तै, करण केसी र गुल्सन झाले पनि १–१ विकेट लिएका थिए ।
