राजबिराज । डाका समुहको आक्रमणमा परेर सप्तरीमा एक जनाको मृत्यु भएको छ । गएराती सुरुङगा नगरपालिका– ८ को एक घरमा डाका समूहले लुटपाट गर्ने क्रममा धारिलो हतियार र गोली प्रहार गरेर घरमुलीको हत्या गरेका हुन् ।
जिल्ला प्रहरी कार्यालयका प्रमुख ढकेन्द्र खतिवडाका अनुसार, बिहीबार राति डाकाको एक समूहले स्थानीय कान्तलाल चौधरीको घरमा प्रवेश गरी धनमाल लुट्ने क्रममा प्रतिकार गर्दा निजको हत्यासमेत गरेका हुन् । डाकाको आक्रमणमा परी चौधरीका भाइ रमाकान्त घाइते भएका छन् ।
घाईते चौधरीको लहानमा उपचार भइराखेको जनाइएको छ । डाका समुहले चौधरीको घरबाट सुनचाँदीका गरगहना र नगद लुटेको जनाइएको छ । घट्नाका सम्बन्धमा थप अनुसन्धान अघि बढाइएको प्रहरीले जनाएको छ ।
