काठमाडौं । आफ्नै बुहारीको हत्या गरेको आरोपमा सासु चार वर्षपछि रौतहटबाट पक्राउ परेकी छन् । पक्राउ पर्नेमा गढीमाई नगरपालिका–२ समनपुर बस्ने ६२ वर्षीया सायरा खातुन छिन् ।
पक्राउ परेकी खातुनले २०७७ जेठ ८ गते आफ्नै बुहारी २२ वर्षीया निसनारा खातुनको कुटपिट गरी मुखमा कपडा कोचेर हत्या गरेको प्रहरीले जनाएको छ ।
फरार रहेकी सायरालाई गोप्य सूचनाको आधारमा पक्राउ गरिएको जिल्ला प्रहरी कार्यालयका निमित्त सूचना अधिकारी प्रहरी निरीक्षक उमाशंकर प्रसादले जानकारी दिए ।
पक्राउ परेकी सयरालाई अदालतबाट म्याद थप गराई आवश्यक अनुसन्धान भइरहेको उनले बताए ।
