काठमाडौं । क्यानडा विरुद्ध नेपालले २८६ रनको लक्ष्य पाएको छ । 'क्यानडा टुर अफ नेपाल सिरिज' अन्तर्गतको आज भएको खेलमा क्यानडाले निर्धारित ५० ओभरमा ९ विकेट गुमाउँदै २८५ रन लिएको हो ।
नेपालका लागि कप्तान रोहित पौडेल र कुशल मल्लले २/२ विकेट लिए । सोमपाल कामी, सूर्य तामाङ, आकाश चन्द र पवन सराफले १/१ विकेट लिए ।
क्यानडा टिमका ए. जोनसनले सर्वाधिक ६५ रन बनाए । नभनित ढालिवाले ४६ रन, श्रेयस मोभाले ४० रन र प्रगत शिंहले ३८ रनको योगदान दिए ।
