काठमाडौ । आइसिसी यू १९ विश्वकप क्रिकेट प्रतियोगिताका लागि नेपाली राष्ट्रिय टिम घोषणा गरिएको छ।
१९ जनावरीदेखि दक्षिण अफ्रिकामा आयोजना हुने प्रतियोगिताका लागि देव खनालको कप्तानीमा नेपाली टिमको घोषणा गरिएको हो । नेपाली टिमा अर्जुन कुमाल, आकाश त्रिपाठी, दिपक प्रसाद डुम्रे,दुर्गेश गुप्ता,गुलशन कुमार झा, दिपेश प्रसाद कँडेल, विशाल विक्रम केसी, सुभाष भण्डारी रहेका छन् ।
टिमका अन्य सदस्यमा दीपक बोहरा ए, दिपक बोहरा बी, उत्तम थापा मगर, विपिन रावल, तिलकराज भण्डारी, आकाश चन्द रहृको क्यानले जनाएको छ । नेपालसहित १६ टिमले भाग लिने यसपटकको विश्वकपमा नेपाल समूह डी मा परेको छ। नेपाल रहेको समूहमा पाकिस्तान, अफगानिस्तान र न्युजिल्यान्ड छन्।
नेपालले पहिलो खेल २१ जनावरीमा न्युजिल्यान्डसँग खेल्नेछ। यस्तै २४ जनावरीमा पाकिस्तान र २७ जनावरीमा अफगानिस्तानसँग खेल हुनेछ। त्यसअघि नेपालले १३ जनावरीमा स्कटल्याण्ड र १६ जनावरीमा वेस्ट इन्डिजसँग वाम अप खेल खेल्नेछ।
वाम अपअघि नेपाली टिम अभ्यासको लागि दक्षिण अफ्रिकी पुग्नेछ।
