काठमाडौं । सुनचाँदी बजारमा सुनको मूल्य १२ सय रुपैयाँले घटेको छ । बुधबार छापावाला सुनको मूल्य १ लाख १८ हजार २ सय रुपैयाँ कायम भएको छ ।
मंगलबार प्रतितोला १ लाख १९ हजार ४ सय रुपैयाँमा कारोबार भएको सुनको मूल्य आज प्रतितोला १ हजार २ सय रुपैयाँले घटेर १ लाख १८ हजार २ सय रुपैयाँ कायम भएको नेपाल सुनचाँदी व्यवसायी महासंघले जनाएको छ ।
त्यस्तै, तेजावी सुन प्रतितोला १ लाख १७ हजार ६ सय ५० रुपैयाँ कायम भएको छ भने चाँदी प्रतितोला १ हजार ४ सय रुपैयाँ कायम भएको महासंघले जनाएको छ ।
