काठमाडौं । नेपाली कांग्रेसको १५औँ महाधिवेशनअन्तर्गत नयाँ नेतृत्व चयनका लागि उम्मेदवारी दर्ता सम्पन्न भएको छ । उम्मेदवारी दर्तापछि केन्द्रीय निर्वाचन समितिले विभिन्न पदका उम्मेदवारको प्रारम्भिक नामावली सार्वजनिक गरेको छ ।

कांग्रेसमा एक सभापति, एक वरिष्ठ उपसभापति, चार उपसभापति, तीन महामन्त्री, १५ सहमहामन्त्री र एक कोषाध्यक्ष गरी २४ जना पदाधिकारी रहने व्यवस्था छ । त्यसमध्ये चार सहमहामन्त्री र कोषाध्यक्ष सभापतिले मनोनीत गर्ने भएकाले १९ पदाधिकारीका लागि निर्वाचन हुनेछ ।

निर्वाचन समितिका अनुसार १९ पदाधिकारीका लागि ३२ जनाले उम्मेदवारी दिएका छन् । सभापति पदमा गगनकुमार थापा, किशोरसिंह राठौर र श्यामकृष्ण खड्गीबीच प्रतिस्पर्धा हुने भएको छ ।

वरिष्ठ उपसभापतिमा विश्वप्रकाश शर्मा र उपसभापतिको महिला क्लस्टरतर्फ पुष्पा भुसालको मात्रै उम्मेदवारी परेको छ । त्यसैले यी दुवै पदमा उनीहरू निर्विरोध भएका छन् ।

प्रारम्भिक नामावलीमाथि दाबी–विरोधका लागि आज बिहान १० बजेदेखि १२ बजेसम्मको समय तोकिएको छ । दाबी–विरोधको प्रक्रिया सकिएपछि निर्वाचन समितिले अन्तिम उम्मेदवारको नामावली सार्वजनिक गर्ने जनाएको छ ।

सभापतिसहित उपसभापति, महामन्त्री, सहमहामन्त्री तथा केन्द्रीय सदस्यका विभिन्न पदमा भने प्रतिस्पर्धा हुने भएको छ ।

कुन पदमा को–को ?

सभापति

• गगनकुमार थापा

• किशोरसिंह राठौर

• श्यामकृष्ण खड्गी

वरिष्ठ उपसभापति

• विश्वप्रकाश शर्मा

उपसभापति — खुला

• डा. चन्द्रमोहन यादव

• सुरेन्द्रराज पाण्डे

• डा. मिनेन्द्र रिजाल

• गोविन्द भट्टराई

• देवराज चालिसे

• मधुप्रसाद आचार्य

• धनराज गुरुङ

• दीपक गिरी

• डा. चन्द्र भण्डारी

उपसभापति — समावेशी

• विनोद चौधरी

• फरमुल्लाह मन्सुर

• जीवन परियार

• रञ्जित कर्ण

• सीता गुरुङ

उपसभापति — महिला

• पुष्पा भुसाल

महामन्त्री — खुला

• शंकर तिवारी

• सुनिल शर्मा

• नैनसिंह महर

• प्रदीप पौडेल

• गुरुराज घिमिरे

• अमरसिंह पुन

• उदयशमशेर राणा

• डा. सन्तोष उपाध्याय

महामन्त्री — महिला

• डा. डिला संग्रौला

• महालक्ष्मी उपाध्याय ‘डिना’

• रिता खनाल

सहमहामन्त्री — महिला

• नानु बास्तोला

• प्रतिमा गौतम

सहमहामन्त्री — खुला

• देवेन्द्रराज कँडेल

• रामहरि खतिवडा

• डिल्लीराम सुवेदी

• रमेश धमला

सहमहामन्त्री — पिछडिएको क्षेत्र

• जीवनबहादुर शाही

• मीन भाम

• कर्णबहादुर बुढा

सहमहामन्त्री — खसआर्य

• मनोजमणि आचार्य

• अजयबाबु शिवाकोटी

• जगदिश्वरनरसिंह केसी

• दिनेश कोइराला

• शुभराम बस्नेत

सहमहामन्त्री — आदिवासी जनजाति

• बहादुरसिंह लामा

• तारामान गुरुङ

सहमहामन्त्री — थारु

• तेजुलाल चौधरी

• योगेन्द्र चौधरी

सहमहामन्त्री — अल्पसंख्यक

• आङ्गेलु शेर्पा

सहमहामन्त्री — मुस्लिम

• अब्दुल सत्तार

• अतहर कमाल मुसलमान

सहमहामन्त्री — मधेसी

• अभिषेकप्रताप शाह

• रामपल्टन साह

सहमहामन्त्री — दलित

• लक्ष्मी परियार

• प्रकाश रसाइली ‘स्नेही’

• मानबहादुर नेपाली

• नरेन्द्र पासवान

निर्वाचन समितिले सार्वजनिक गरेको प्रारम्भिक नामावलीमाथि दाबी–विरोधका लागि आज बिहान १० बजेदेखि १२ बजेसम्मको समय तोकेको छ । दाबी–विरोधको प्रक्रिया पूरा भएपछि अन्तिम नामावली सार्वजनिक गरिने समितिले जनाएको छ ।

वरिष्ठ उपसभापतिमा विश्वप्रकाश शर्मा र महिला उपसभापतिमा पुष्पा भुसालको मात्रै उम्मेदवारी परेकाले दुवै पदमा उनीहरू निर्विरोध भएका छन् । सभापतिसहित खुला तथा समावेशी उपसभापति, महामन्त्री र विभिन्न क्लस्टरका सहमहामन्त्री पदमा भने प्रतिस्पर्धा हुने भएको छ ।