काठमाडौं । नेपाली बजारमा सुनको मूल्य लगातार दोस्रो दिन घटेको छ । नेपाल सुनचाँदी व्यवसायी महासंघका अनुसार मंगलबार सुनको मूल्य प्रतितोला ३ हजार ८ सय रुपैयाँले घटेर २ लाख ९० हजार ५ सय रुपैयाँ कायम भएको छ ।
यसअघि सोमबार सुनको मूल्य प्रतितोला ५ हजार रुपैयाँले घटेर २ लाख ९४ हजार ३ सय रुपैयाँमा कारोबार भएको थियो । त्यसअघि आइतबार सुनको मूल्य २ लाख ९९ हजार ३ सय रुपैयाँ थियो । यससँगै दुई दिनमा सुनको मूल्य प्रतितोला ८ हजार ८ सय रुपैयाँले घटेको छ ।
सुनसँगै चाँदीको मूल्य पनि लगातार दोस्रो दिन घटेको छ । मंगलबार चाँदी प्रतितोला ११५ रुपैयाँले घटेर ४ हजार ३९५ रुपैयाँमा कायम भएको महासंघले जनाएको छ । सोमबार चाँदीको मूल्य ४ हजार ५१० रुपैयाँ थियो भने सो दिन पनि प्रतितोला १४५ रुपैयाँले घटेको थियो ।
