काठमाडौं । सुनकाे मूल्य एकैदिन ताेलामा ५ हजार २ सय रुपैयाँ बढेको छ । मंगलबार एकैदिन सुनको मुल्य उच्च दरमा बढेकाे हाे ।
नेपाल सुनचाँदी व्यवसायी महासंघका अनुसार मंगलबार सुनको भाउ प्रतितोला २ लाख ४७ हजार ९ सय रुपैयाँ कायम भएको छ । अघिल्लो दिन सुन प्रति ताेल २ लाख ४२ हजार ७ सय रुपैयाँमा कारोबार भएको थियो । यसअघि असोज ३१ गते सुनको भाउ हालसम्मकै उच्च प्रतितोला २ लाख ५८ हजार रुपैयाँसम्म पुगेको थियोे ।
त्यस्तै चाँदीको भाउ तोलामा ८५ रुपैयाँ बढेको संघले जनाएको छ । यस दिन चाँदी प्रतितोला ३२०० रुपैयाँ तोकिएको छ । अघिल्लो दिन ३११५ रुपैयाँ थियो । यसअघि असोज ३१ गते चाँदी हालसम्मकै उच्च ३३५० रुपैयाँ पुगेको रेकर्ड छ ।
