जनकपुरधाम । धनुषामा गोली हानेर एक वडाध्यक्षको हत्या भएको छ । जिल्लाको मिथिला बिहारी नगरपालिका वडा नम्बर ९ का वडाध्यक्ष विन्देश्वर यादवको शुक्रबार साँझ गोली हानेर हत्या गरिएको हो ।
स्थानीय प्रत्यक्षदर्शीका अनुसार शुक्रबार साँझ ६ बजेतिर अज्ञात समूहले उनीमाथि गोली प्रहार गरेर भागेका थिए ।
उनको उपचारको क्रममा प्रादेशिक अस्पताल जनकपुरमा मृत्यु भएको जिल्ला प्रहरी कार्यालय धनुषााले जनाएको छ ।
