काठमाडौं । । गृह मन्त्रालयले ७ जिल्लाका प्रमुख जिल्ला अधिकारी (सीडीओ)सहित ५८ कर्मचारीको सरुवा गरेको छ । बुधबार गृहमन्त्री ओमप्रकाश अर्यालले सो निर्णय गरेका हुन् ।
मन्त्रालयको अनुसार बद्रीनाथ गैह्रेलाई गुल्मीको प्रमुख जिल्ला अधिकारीको रुपमा सरुवा गरिएको छ । दैलेखमा आनन्द सारु,पाँचथरमा बासुदेव दाहाल र रोल्पामा गंगा बहादुर क्षेत्रीलाई प्रमुख जिल्ला अधिकारी बनाएर पठाइएको छ।
त्यसैगरी जुम्लामा दिपक पौडेल,डोटीमा कल्पना घिमिरे नेपाललाई सीडीओ बनाएर पठाइएको छ । अजिता शर्मालाई मुस्ताङ पठाइएको छ ।
