काठमाडौं । सगरमाथाको तिब्बत क्षेत्रमा करिब एक हजार पर्यटक बाक्लो हिमपातका कारण फसेका छन् । चिनियाँ सञ्चार माध्यमका अनुसार असामान्य रूपमा परेको वर्षा र हिमपातका कारण पदयात्रा मार्ग अवरुद्ध भएपछि आरोहीहरू र उनीहरूको सहयोगी टोली बीचमै रोकिएका हुन् ।
उद्धार कार्य अहिले तीव्र गतिमा भइरहेको बताइएको छ । घटनापछि सगरमाथा आसपासका पर्यटकीय स्थलमा टिकट बिक्री अस्थायी रूपमा रोकिएको छ ।
