काठमाडौं । त्रिकोणात्मक शृङ्खलाअन्तर्गतको खेलमा हङकङसङ्ग नेपाल पराजित भएको छ । टस जितेर पहिले फिल्डिङ रोजेको नेपाल हङकङसङ्ग ७३ रनले पराजित भएको हो ।
नेपालले जित्नका लागि २१३ रनको लक्ष्य पाएको थियो । १६.४ ओभरमा नेपालले अल आउट हुँदै १३९ रन मात्र बनाउन सक्षम भयो ।
नेपालका लागि विनोद भण्डारीले सर्वाधिक ४२ रनको योगदान दिए । त्यस्तै, आरिफ शेखले ३८ रन र कप्तान रोहित पौडेलले ३० रनको योग बनाए । अन्य खेलाडीले भने दोहोरो अंकमा रन बनाउन सकेनन् ।
