काठमाडौं । देशभर गर्मी बढ्दै गएको छ । आज देशभरका ९ स्थानको अधिकतम तापक्रम ३० डिग्री सेल्सियस बढी पुग्ने जनाइएको छ ।
आज भैरहवाको अधिकतम तापक्रम ३४ डिग्री सेल्सियससम्म पुग्ने जल तथा मौसम विज्ञान विभागको मौसम पूर्वानुमान महाशाखाको अनुमान छ । यस्तै, दिपायलको तापक्रम ३० डिग्री सेल्सियस, नेपालगन्ज र धनगढीको तापक्रम ३२ डिग्री सेल्सियस पुग्ने महाशाखाको अनुमान छ ।
यस्तै गोराहीको ३०, सिमराको ३२, विराटनगर र धरानको ३१ पुग्ने हुनेछ । महाशाखाका अनुसार जनकपुरको अधिकतम तापक्रम ३२ डिग्री सेल्सियससम्म पुग्ने महाशाखाको अनुमान छ ।
आज सबैभन्दा कम तापक्रम जुम्लामा (शून्य डिग्रीसम्म) पुग्ने देखिन्छ ।
