काठमाडौं । त्रिकोणात्मक टी–२० आई सिरिजअन्तर्गत आफ्नो तेस्रो खेलमा नेपालले आज नामिबियासँग खेल्दैछ । टीयु क्रिकेट मैदानमा बिहान साढे ११ बजे सुरु हुने खेलमा जित्नै पर्ने दवाव नेपाललाई रहेको छ । शीर्ष दुईमा रहँदै फाइनल खेल्ने सम्भावना कायमै राख्न नेपालले आजको खेलमा जित्नै पर्ने हुन्छ ।
नामिबियाले पहिलो खेलमा नेपाललाई २० रनले हराएको थियो । नामिबियाले दिएको २०७ रनको विजयी लक्ष्य पछ्याएको नेपाल १८६ रनमा अल आउट भएको थियो । नेदरल्यान्ड्सले नेपाललाई २ रन र नामिबियालाई ५९ रनले हराउँदै दुुई खेलबाट चार अंक जोड्दै शीर्षस्थानमा छ ।
