भक्तपुर । भक्तपुर अस्पतालले बागमती प्रदेशको उत्कृष्ट पुरस्कार पाएको छ । बागमती प्रदेशका १३ वटा अस्पतालमध्ये भक्तपुर अस्पताल उत्कृष्ट ठहरिदै पुरस्कृत भएको हो ।
बागमती प्रदेश सरकार स्वस्थ्य मन्त्रालयद्वारा आर्थिक वर्ष २०८०÷८१ मा सम्पादित स्वस्थ्य कार्यालयहरुको प्रदेशस्तरीय वार्षिक समीक्षामा भक्तपुर अस्पताल उत्कृष्ट घोषित भएको बताइएको छ ।
अस्पतालकी निर्देशक डा सुमित्रा गौतमका अनुसार, मुख्यमन्त्री बहादुरसिंह लामा र स्वास्थ्यमन्त्री किरण थापाले बुधबार अस्पताललाई पुरस्कार तथा प्रमाणपत्र हस्तान्तरण गरेका हुन् ।
भक्तपुर अस्पतालले यसअघि पनि उत्कृष्टताको पुरस्कार प्राप्त गरेको थियो । अस्पतालले प्रदेश सरकारको बजेटमा आगामी महिनादेखि एमआरआई सेवा सञ्चालन गर्ने अन्तिम तयारी भएको डा गौतमको भनाई छ ।
