काठमाडौं । चालू आर्थिक वर्षको साउनमा नेपालबाट हुने यार्सागुम्बाको निर्यात घटेको छ । भन्सार विभागले सार्वजनिक गरेको आयात निर्यातको तथ्यांक अनुसार चालू आर्थिक वर्षको पहिलो महिनामा यार्साको निर्यात ६४.६८ प्रतिशतले घटेको हो ।
गत आर्थिक वर्ष २०८०/८१ को पहिलो महिनामा २३ करोड २० लाख १३ हजार रुपैयाँ बराबर रकममा ३७३ किलो यार्सागुम्बा निर्यात भएको थियो । आर्थिक वर्ष २०८१/८२ को साउन महिनामा उक्त रकममा ६४.६८ प्रतिशतले घटेर ८ करोड १९ लाख ४० हजार रुपैयाँ पुगेको हो । सो अवधिमा २०४ किलो यार्सा निर्यात भएको छ ।
गत आर्थिक वर्षभरिमा नेपालले ७० करोड १८ लाख रुपैयाँ बराबर रकममा १४ सय ८४ किलो यार्सा निर्यात गरेको थियो ।
