काठमाडौं । सुनको मूल्यले नयाँ रेकर्ड कायम गरेको छ । विहीबार छापावाला सुनको मूल्य प्रतितोला १ लाख ५३ हजार २ सय रुपैयाँमा कायम भएको नेपाल सुनचाँदी व्यवसायी महासंघले जनाएको छ । यो भाउ हालसम्मकै उच्च हो ।
बुधबार प्रतितोला १ लाख ५३ हजार १ सय रुपैयाँमा कारोबार भएको सुनको मूल्य १ सय रुपैयाँले बढेर प्रतितोला १ लाख ५३ हजार २ सय रुपैयाँमा कायम भएको छ । यसअघि सुनको उच्च मूल्य १ लाख ५३ हजार १ सय रुपैयाँमा कायम भएको थियो ।
त्यस्तै, चाँदीको मूल्य प्रतितोला १ हजार ८ सय ३० रुपैयाँमा कायम भएको छ ।
