काठमाडौं । सुनचाँदीको मूल्य आज २२ सय रुपैयाँले घटेको छ । विहीबार छापावाला सुनको मूल्य १ लाख ६० हजार रुपैयाँ कायम भएको छ ।
बुधबार प्रतितोला १ लाख ६२ हजार २ सय रुपैयाँमा कारोबार भएको सुनको मूल्य आज प्रतितोला २ हजार २ सय रुपैयाँले घटेर १ लाख ६० हजार रुपैयाँ कायम भएको नेपाल सुनचाँदी व्यवसायी महासंघले जनाएको छ ।
त्यसैगरी, यो दिन चाँदीको मूल्य पनि तोलामा ३५ रुपैयाँले घटेको छ । आज चाँदीको मूल्य प्रतितोला १ हजार ९ सय ५ रुपैयाँमा कायम भएको छ । अघिल्लो कारोबार दिन बुधबार चाँदी १ हजार ९ सय ४० रुपैयाँमा कारोबार भएको थियो ।
