काठमाडौं । दैनिक नयाँ रेकर्ड कायम गर्दै आइरहेको सुनको भाउ आज भने सामान्य घटेको छ । आज छापावाला सुनको मूल्य प्रतितोला १ लाख ६८ हजार २ सय रुपैयाँमा कायम भएको नेपाल सुनचाँदी व्यवसायी महासंघले जनाएको छ ।
यसअघि गत हप्ताको बिहीबार १ लाख ७१ हजार रुपैयाँमा कारोबार भएको सुनको मूल्य आज २ हजार ८ सय रुपैयाँले घटेर प्रतितोला १ लाख ६८ हजार २ सय रुपैयाँमा कायम भएको महासंघले जनाएको छ ।
यस्तै यस अवधिमा चाँदीको मूल्य पनि प्रतितोला ६० रुपैयाँले घटेर प्रतितोला २ हजार ३० रुपैयाँमा कायम भएको छ भने यसअघि गत हप्ताको बिहीबार चाँदी प्रतितोाल २ हजार ९० रुपैयाँमा कारोबार भएको थियो ।
